Воскресенье, 18.11.2018, 11:10
Приветствую Вас Гость | Регистрация | Вход

...

МКОУ "Ючюгейская СОШ"
Урок Мира

http://yadi.sk/i/ajVlgn7g3ApVjR

Меню сайта
Поиск
Вход на сайт
Календарь
«  Май 2015  »
ПнВтСрЧтПтСбВс
    123
45678910
11121314151617
18192021222324
25262728293031
телефон доверия

Ув. обучающиеся и родители! 
Размещаем номера телефонов доверия и "Горячих линий" по вопросам предстоящих Государственных экзаменов. 
My WebPageТелефон доверия: 
8-(4112)-42-10-28; 
+7(495)104-68-38; 
"Горячая линия" 
ЕГЭ: 8-(4112)-42-10-46; 
ОГЭ: 8-(4112)-42-10-48; 
+7(495)984-89-19.

Друзья сайта
Статистика

Онлайн всего: 1
Гостей: 1
Пользователей: 0
Главная » 2015 » Май » 6 » Сайдар саҕахтары түстүүр Республикатааҕы инновационнай площадкалар түhүлгэлэрэ
08:29
Сайдар саҕахтары түстүүр Республикатааҕы инновационнай площадкалар түhүлгэлэрэ

Муус устар 1-3 күннэригэр Республикатааҕы «Өлүөнэ кыраайа» физико-математическай форумна республикатааҕы инновационнай площадкалар бырайыактарын көрүү ыытылынна.

Бу сылын аайы ыытыллар Саха Республикатын үөрэҕин министиэристибэтин уонна С.Н.Донской-II аатынан Республикатааҕы кадры сайыннарар Институт көҕүлээhиннэринэн тэриллэр үөрэх эйгэтэ сайдарыгар биир төhүү күүс буолар улахан тэрээhин буолар.
Инновационнай площадкалар курэхтэрин сыала-соруга – үөрэхтээhин эйгэтигэр оскуолалар, уhуйааннар үлэлии сылдьар инновационнай бырайыактарын көрүү уонна салгыы сайыннарар суолу-ииhи тобулалларыгар олук ууруу буолар.
Бырайыактары көрүү күрэх быhыытынан барар, кыайыылаахтар Саха Республикатын Президенын Гранынан наҕараадаланаллар.
Бу площадка үлэтин түмүгүнэн оскуолалар «Республикатааҕы инновационнай площадка» эбэтэр кандидат статуhун ылары ситиhэллэр.

Биhиги С.А.Новгородов аатынан Чурапчы орто оскуолатын коллективын аатыттан 8 киhи буолан бэйэбит бырайыакпытын отчуоттаан уонна саҥа «Профессиональная и тьюторская компетентность педагога как фактор повышения качества образования» диэн проекпытын көмүскээн кэллибит.
Үс күн устата олус таhаарыылаах үлэ буолла.
Ол курдук, проектары көмүскээhин, проектнай семинардар, аhаҕас дискуссионнай площадкалар, үөрэхтээhин сытыы боппуруостарыгар кэпсэтиилэр буоллулар.
Манна бэлиэтиэхпитин баҕарабыт экспертар үлэлэрин, кинилэр киэҥ билиилэрин – хас биирдии бырайыакка бэйэлэрин көрүүлэрин, санааларын аhаҕастык этэн, сайдар суолбутун чопчулуурбутугар бэйэбитин толкуйдатан, сүбэлээн-амалаан биэрдилэр.
Ол курдук, Н.И.Бугаевы, Л.Б.Тены, Н.Н. Романовы уонна да атын күүстээх экспертары кытта алтыhаммыт элбэҕи биллибит-көрдүбүт, үлэбитигэр саҥа сүүрээни киллэрэргэ санаа ыллыбыт, толкуйга киирдибит.

Бу тэрээhиҥҥэ биhиги олус элбэх араас интэриэhинэй иитиигэ-үөрэтиигэ, үөрэхтээhин саҥа стандартыгар анаммыт, оҕону Личность быhыытынан сайыннарыыга олоҕурбут проектары көрдүбүт.
Чуолаан, Дьокуускай куорат «Айыы кыhaтын» оскуолатын, Майа №2 орто оскуолатын, Мэнэ-Ханалас үөрэҕин управлениятын, Дьокуускай куорат №26 уонна Хаптаҕай орто оскуолаларын бырайыактарын биhирээтибит.
Оскуолалар үлэлии сылдьар инновационнай үлэлэрин көрдүбүт-иhиттибит.
Маннык тэрээhин үөрэх тэрилтэлэрэ үлэлэрин уопутун атастаhарга, саҥаны билиигэ-көрүүгэ, үөрэхтээhин эйгэтигэр сана стандарты олоххо киллэриигэ, оҕо, учуутал сатабыллара сайдыытыгар элбэх туhалаах информацияны, санааны, идеяны биэрэр.
Бу тэрээhин үөрэх кыhаларын алтыhыытыгар, биир сыаллаах-соруктаах үлэлииллэригэр олук буолар, оскуолалар үлэлэригэр саҥа сүүрээннэри киллэрэр.
Ол курдук, биhиги күрэх кэнниттэн оскуолабытыгар кэлэн ирэ-хоро санаабытын атастастыбыт, бырайыакпытын олох атын харахпытынан көрдүбүт уонна үлэбит ис хоһоонун өссө дириҥэтэр, кэҥэтэр, чопчулуур сыалтан ыам ыйын 18-23 күннэригэр оскуолабытыгар «Фестиваль педагогических идей» диэн тэрээhини ыытарга былааннаатыбыт.
Манна аhаҕас уруоктар, эдэр учууталларга семинар, ону таhынан эhиилги үөрэх дьылыгар анаммыт учууталлар проектарын көмүскээhин буолуохтаахтар.

Түмүккэ, биhиги оскуолабыт коллективын аатыттан Республиканскай инновационнай площадкалар күрэхтэрин иилээн-саҕалаан сылын аайы ыытар Саха Республикатын Үөрэҕин министрыгар Ф.В. Габышеваҕа, С.Н.Донской-II аатынан Республикатааҕы кадры сайыннарар институт дириэктэригэр Г.Н. Алексееваҕа, дириэктэри бастакы солбуйааччы Н.И.Бугаевка уонна бары экспертарга махталбытын тиэрдэбит!

С.А.Новгородов аатынан Чурапчы орто оскуолатын коллектива

Просмотров: 114 | Добавил: Джулус | Рейтинг: 0.0/0
Всего комментариев: 0
avatar